Bakı,TurkicWorld
Heç kim Üçüncü Dünya Müharibəsi kimi qaranlıq mənzərəni istəmir, ancaq qeyd etmək lazımdır ki, ordumuz hər cür ssenariyə hazırdır.
TurkicWorld xəbər verir ki, bu barədə Türkiyə Milli Müdafiə Nazirliyindən (MSB) Həftəlik Mətbuat Məlumat Toplantısı zamanı vurğulanıb.
“Rahatlıqla deyə bilərik ki, biz ən hazırlıqlı ölkələrdən biriyik. TSK artıq dinamik bir ordudur. Bizim ordumuz öz planlarını və logistikasını sınaqdan keçirmiş və təsdiq etmiş bir ordudur”,- deyə nazirlikdən bildirilib.
“FETÖ ilə mübarizəmiz həssaslıqla davam edir. Bu mübarizə yeni məlumatlar və sənədlər işığında davam edir. Bu davamlı bir proses olduğundan, prokurorlar kəşfiyyat bölmələri məlumat və sənədlərin haradan gəldiyini qiymətləndirdikdən sonra tədbir görürlər. Türk Silahlı Qüvvələri FETÖ ilə mübarizədə ən həssas qurumlardan biridir, çünki bu vəziyyətdən ən çox əziyyət çəkən qurum Türkiyə Silahlı Qüvvələridir. Bu səbəbdən də yeni məlumatlar və sənədlər yayıldıqca mübarizəmiz davam edəcək”,- deyə Nazirlik mənbələri son FETÖ əməliyyatları ilə bağlı suala cavab verib.
