“Türk ordusu III Dünya Müharibəsinə hazırdır”.
Ulusal.az xəbər verir ki, bu barədə “TRT Haber” Türkiyə Müdafiə Nazirliyindəki mənbələrə istinadən xəbər yayıb.
“Türkiyə Silahlı Qüvvələri artıq dinamik bir ordudur. Bu, bir çox bölgələrdə daim fəaliyyət göstərən bir ordudur. Bu, öz planlarını və logistikasını sınaqdan keçirmiş və təsdiq etmiş bir ordudur. O, həmçinin dünyanın bir çox yerlərində sülhməramlı fəaliyyətlər həyata keçirir. Heç kim, xüsusən də ölkəmiz Üçüncü Dünya Müharibəsi kimi qaranlıq mənzərəni istəmir, lakin qeyd etmək lazımdır ki, ordumuz istənilən ssenariyə hazırdır”, – deyə Türkiyə Müdafiə Nazirliyindəki mənbələr bildirib.
