Peskov medianı qınayıb: Putinin nüvə silahları ilə bağlı sözləri kontekstdən çıxarılıb

Qərb mediası parlaq başlıq arxasınca Rusiya prezidenti Vladimir Putinin tezislərini kontekstsiz təqdim edir, ona görə də onlar aqressiv görünür və daha da yanlış şəkildə şərh olunur. Bizinyol.info xəbər verir ki, bu barədə dövlət başçısının mətbuat katibi Dmitri Peskov "VGTRK"nın jurnalisti Pavel Zarubinlə söhbətində bildirib. Belə nümunələrdən biri Putinin çərşənbə günü dünyanın aparıcı media nümayəndələri ilə görüşündə nüvə silahından istifadə imkanları ilə bağlı bəyanatıdır. "Reuters"in əməkdaşı Samia Nakhulun sualını cavablandırmazdan əvvəl Rusiya lideri qeyd edib ki, jurnalistin özü "onu bu mövzuya gətirir": "Və sonra deyəcəksən ki, mən "nüvə dəyənəyi" yellədim", - deyə Putin ona iradını bildirib. Peskov qeyd edib ki, o, heç bir Qərb mediasının prezident Putinin cavabının kontekstini təsvir etmədiyini görməyib: “O, suala cavab verdi və heç kim “proaktiv danışan mən deyiləm, məndən soruşursan” sözlərini demədi”, - deyə Kreml nümayəndəsi vurğulayıb. “Bu, ənənəvi media hiyləsidir, onlar tez-tez bununla məşğul olurlar”, – deyə Peskov şikayətlənib. Və əlavə olaraq: “Yeri gəlmişkən, hətta bizim - Rusiya mediası da bu oyuna şərik olur”, - deyə qeyd edib. Putin “Reuters”in sualını cavablandırarkən Qərb siyasətçiləri və analitiklərini Rusiyanın nüvə doktrinasını öyrənməyə çağırıb, hansı halda Moskvanın nüvə silahından istifadə edəcəyini açıq şəkildə ifadə edib. Qadir, Bizimyol.info