Fövqəladə Hallar Nazirliyinin “112” qaynar telefon xəttinə Sumqayıt şəhəri, 26-cı məhəllə ərazisində sursat aşkar edilməsi barədə məlumat daxil olub.
APA nazirliyə istinadən xəbər verir ki, məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatların döyüş tətbiqinə yararlı 2 ədəd F-1 əl qumbarası olduğu müəyyən edilib.
Sursatlar XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.
Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.
***
10.43
Sumqayıtda 2 ədəd “F-1” markalı əl qumbarası aşkarlanıb.
APA xəbər verir ki, hadisə 22-ci məhəllədə qeydə alınıb.
Məişət tullantılarının üzərindən 2 ədəd “F-1” markalı əl qumbarası aşkarlanıb. Əraziyə müvafiq qurumların əməkdaşları cəlb olunub.
Faktla bağlı araşdırma aparılır.
![Sumqayıtda](https://apa.az/storage/news/2024/june/05/big/66603aa2d4d6b66603aa2d4d6c171758249866603aa2d4d6966603aa2d4d6a.jpg)
![Sumqayıtda](https://apa.az/storage/news/2024/june/05/big/66603aa2db7cf66603aa2db7d0171758249866603aa2db7cc66603aa2db7ce.jpg)