Amerikalı məşhur aktyor Conni Vaktor öldürülüb.
“Qafqazinfo” xəbər verir ki, bu barədə “Skynews” məlumat yayıb.
Qeyd olunub ki, aktyor Los-Ancelesdə güllələnib.
Los-Anceles Polis Departamentinin məlumatına görə, hadisə Vest-Piko bulvarı və Sayt-Houp küçəsi ərazisində baş verib.
Bildirilib ki, Vaktorun avtomobilindən bahalı hissəni oğurlamağa çalışan 3 maskalı şəxs aktyora atəş açıb.
Xəstəxanaya çatdırılan 37 yaşlı aktyor aldığı xəsarətlərdən ölüb.
Qeyd edək ki, C. Vaktor “General hospital” serialındakı Brando Corbin rolu ilə tanınıb.
