Qubada sel avtomobili sürücü ilə birlikdə xeyli məsafəyə gədər aparıb.
Yeniavaz.com xəbər verir ki, bu barədə “shimal.news” məlumat yayıb.
Bildirilib ki, Cimi kəndində yaşayan və məktəbdə çalışan Səxavət müəllim “Chevrolet” markalı avtomobili ilə çayı keçən zaman sel gəlib.
Nəticədə nəqliyyat vasitəsini su basıb və 100 m məsafəyə aparıb. Avtomobil çaydakı iri daşa ilişərək dayandıqdan sonra nəqliyyat vasitəsini və sürücünü sudan çıxarmaq mümkün olub.
Sakinlər bildirib ki, kənddə körpü yoxdur, yalnız Qonaqkənddə var. Cimi sakinləri gediş-gəliş üçün çayı keçməli olurlar.
