Ukrayna hökuməti BMT Baş Assambleyasının iştirakçıları arasında Çinin Rusiyaya sərfəli şərtlərlə münaqişənin dayandırılmasına dair sazişə dəstək vermək niyyətini ifadə edən sənəd yayıb. ABŞ bu təşəbbüsə qarşı çıxır.
“İki sahil” xəbər verir ki, “Politico”nun əldə etdiyi sənədə görə, Çin hökuməti BMT Baş Assambleyasının pərdə arxasında Latın Amerikası, Asiya və Afrikadan olan nümayəndələrlə sülh təşəbbüsü ilə bağlı müzakirələr aparır. Pekin diplomatları hər bir ölkənin təhlükəsizlik maraqlarını nəzərə alaraq sülh danışıqlarını dəstəkləməyə inandırmağa çalışır.
Çinin ABŞ-dakı səfirliyi “Politico”nun yaydığı məlumata şərh etməkdən imtina edib, lakin ölkənin münaqişənin diplomatik həllinə nail olmaq niyyətini xatırladıb. ABŞ Dövlət Departamenti də nəşrin sorğusuna cavab verməyib. Eyni zamanda, departament rəsmilərindən biri Vaşinqtonun Pekinin bu fəaliyyətindən narahat olduğunu bildirib. O izah edib ki, Çinin təşəbbüsü Ukraynanın suverenliyinin qorunmasına məhəl qoymur.
Çinin xarici işlər naziri Vanq Yi iyun ayında Pekin və Braziliyanın sülh təşəbbüsünün 26 dövlət tərəfindən dəstəkləndiyini bildirib. Çinin sülh təşəbbüsü ölkənin may ayında Braziliya ilə razılaşdığı altı bəndə əsaslanır. Ukrayna prezidenti Vladimir Zelenski sentyabrın 25-də BMT Baş Assambleyasında çıxışı zamanı digər ölkələrin sülh təşəbbüslərini tənqid edib.
