"Qarabağ”ın Park Bulvar AVM-də yerləşən fan-şopunda futbolçularla birlikdə keçirilən imza mərasimi yarımçıq dayandırılıb.
Fanat.Az xəbər verir ki, tədbirə Ağdam klubunun futbolçularından Bəhlul Mustafazadə, Abdullah Zubir, Musa Qurbanlı, Olavio Juninyo və Kevin Medina qatılıblar.
Futbolçularla görüşə gözləniləndən daha çox azarkeş toplaşıb. Oyunçular iki dəfə fasilələrlə forma imzalasalar da, izdihamın qarşısını almaq mümkün olmayıb. Bu səbəbdən də tədbir yarımçıq dayandırılıb.
