"Qarabağ”ın Park Bulvar AVM-də yerləşən fan-şopunda futbolçularla birlikdə keçirilən imza mərasimi yarımçıq dayandırılıb.
Teleqraf.com xəbər verir ki, tədbirdə Ağdam klubunun futbolçularından Bəhlul Mustafazadə, Abdullah Zubir, Musa Qurbanlı, Olavio Juninyo və Kevin Medina iştirak edib.
Futbolçularla görüşə gözləniləndən daha çox azarkeş toplaşıb. 2 dəfə fasilələrlə futbolçular forma imzalasalar da, izdihamın qarşısını almaq mümkün olmayıb. Bu səbəbdən də tədbir yarımçıq dayandırılıb.
Müəllif: Teleqraf.com
