Rusiyanın Komi Respublikasında Vorkuta-Novorossiysk sərnişin qatarının 9 vaqonu relsdən çıxaraq aşıb. “Report” xəbər verir ki, bu barədə Rusiya Dəmir Yollarının məlumatında deyilir.
Hadisə yerinə təcili tibbi yardım briqadaları göndərilib, sərnişinlərə kömək üçün tədbirlər görülür. Qatarların hərəkəti dayandırılıb. Xəsarət alan sərnişinlərin sayı açıqlanmayıb. Kominin rəhbəri Vladimir Uiba qatar qəzasının baş verdiyi əraziyə gedib.
