Avropanın Hollandiyada yerləşən ilk F-35 döyüş təyyarələri iyun ayında NATO-nun nüvə missiyalarına hazır olacaq.
"Operativ Media" xəbər verir ki, bunu NATO-nun baş katibi Yens Stoltenberq Brüsseldə alyans ölkələrinin müdafiə nazirlərinin görüşü ərəfəsində keçirdiyi mətbuat konfransında deyib.
"Bu nazirlər görüşünə həmçinin Nüvə Silahlarının Planlaşdırılması Qrupunun iclası daxil olacaq, burada müttəfiqlər nüvə imkanlarının mövcud təhlükəsizlik mühitinə davam edən uyğunlaşdırılmasını müzakirə edəcəklər. Biz bu uyğunlaşmada əhəmiyyətli irəliləyiş əldə etdik. İyun ayında ilk F-35 təyyarələri NATO-nun nüvə missiyaları üçün hazırlanacaq və ABŞ Avropadakı nüvə silahlarını modernləşdirir", - Stoltenberq qeyd edib.
