"Fələstinin HƏMAS qruplaşmasının son atəşkəs təklifi qoşunlarımızın Rəfaha daxil olmasını sabote etmək məqsədi daşıyır".
Publika.az "Times of Israel"ə istinadla xəbər verir ki, bunu İsrailin baş naziri Benyamin Netanyahu deyib.
Onun sözlərinə görə, bu baş verməyib. O qeyd edib ki, Rəfahın işğalında məqsəd girovları geri qaytarmaq və HƏMAS-ı məhv etməkdir.
“Əvvəlki girovların azad edilməsi zamanı biz bunu artıq sübut etmişik. HƏMAS-a hərbi təzyiq girovların geri qaytarılması üçün ilkin şərtdir”, - Netanyahu vurğulayıb.
İsrailin baş naziri HƏMAS-ın təklifinin İsrailin həyati tələblərindən uzaq olduğunu vurğulayıb.
“İsrail HƏMAS-a anklavda öz qeyri-müqəddəs hakimiyyətini bərpa etməyə imkan verməyəcək. İsrail onun hərbi potensialını bərpa etməsinə imkan verməyəcək ki, o, bizim məhvimiz istiqamətində fəaliyyətini davam etdirməsin.
