Azərbaycan Premyer Liqasının VIII turunda keçiriləcək “Qarabağ” – “Sabah” oyunun biletləri satışa çıxarılıb.
Msport.az xəbər verir ki, bu barədə Ağdam təmsilçisinin mətbuat xidməti məlumat yayıb.
Biletlərin qiyməti sektorlara uyğun olaraq dəyişir. Qapıarxası və künclərdə yerləşən sektorlar 3 manat, mərkəzi sektorlar 7 manat, VIP biletlər isə 15 manat təşkil edir.
Biletlər bu gün iTicket.az-da onlayn, oyun günü isə həm iTicket.az-da onlayn, həm də “Azersun Arena”nın kassasında da satışda olacaq.
Qeyd edək ki, sentyabrın 29-da təşkil olunacaq qarşılaşma saat 19:00-da başlanacaq.
