Məşhur gigiyenik vasitələr və məhsullarda bahalaşma qapıdadır

Qlobal əmtəə qiymətlərində son aylarda ardıcıl müşahidə olunan bahalaşma tempi getdikcə daha çox məhsulları əhatə etməkdədir.

Marja beynəlxalq ekspert qiymətləndirmələrinə əsasən xəbər verir ki, tualet kağızı, uşaq bezləri və digər məhsulların istehsalında əsas xammal olan oduncaq sellülozası yarım ildən bir qədər artıq müddətdə 50% bahalaşıb. Kağız və oduncaq materialları üzrə analitik Brayan MakKley ötən ilin sentyabrında 1 metrik tonu 606 dollara olan xammalın aprel ayında 900 dolları ötdüyünü bildirib: “Bu biznesin tarixində aylıq qiymətlərdə belə kəskin artımı heç vaxt görməmişik”.

Pərakəndə satış göstəricilərini izləyən NielsenIQ son 52 həftədə tualet kağızı qiymətlərinin 15,6% bahalaşdığını bildirib.

Özündə qablaşdırılan istehlak malları istehsalçılarını birləşdirən İstehlakçı Brendləri Assosiasiyası xammal qiymətlərində artımın bahalaşmanı daha da sürətləndirəcəyini proqnozlaşdırır. Hazırda ABŞ-ın əsas tualet kağızı istehsalçılarına xammalın 70%-i Braziliyadan, təqribən 30%-i isə Kanadadan gəlir.

Qiymətin artmasına təsir edən əsas amillər dünyanın ən böyük oduncaq sellüloza alıcısı Çində pandemiyadan sonra sürətli iqtisadi artım və qlobal təchizat prosesindəki ləngimələrdir.

Huggies markalı uşaq bezlərinin, Scott markalı tualet kağızının, Kleenex, Kotex və digər gigiyena məhsullarının istehsalçısı Kimberly Clark şirkəti növbəti aylarda qiymətləri orta-yüksək həddə birrəqəmli faizlə artırmağı planlaşdırdığını bildirib. Şirkət açıqlamasında qiymət artımını “yüksələn əmtəə xərclərini tarazlaşdırmaq üçün məcburi addım” olaraq əsaslandırıb.

0
75
0
0 şərh

Ən çox oxunanlar

  • Bugün
  • Həftə
  • Ay

Son şərhlər

Trenddə olanlar