İranın seçki qərargahının nümayəndəsi Möhsün Eslami IRIB telekanalının efirində bildirib ki, ölkədə prezident seçkilərinin ikinci turunda səsvermə başa çatıb.
“Səsvermə vaxtı başa çatıb. Bu, seçki kampaniyasının başa çatması deməkdir”, – TASS onun sözlərini sitat gətirir.
Səsvermə məntəqələri bağlandıqdan sonra səslərin hesablanması başlayır.
İran prezidentliyinə mühafizəkar Səid Cəlili və islahatçı Məsud Pezeşkiyan iddialıdır. Birinci turda onların heç biri 50%-dən çox səs toplaya bilməyib.
İyunun 29-da İran Daxili İşlər Nazirliyi iyulun 5-də prezident seçkilərinin ikinci turunu elan edib.
Mənbə TASS
