Rumıniya və Türkiyə yığmalarının sabiq baş məşqçisi Mirça Luçesku Rumıniya millisinin 2024-cü il Avropa çempionatını qazanmaq şansları ilə bağlı fikirlərini bölüşüb. Matc.az xəbər verir ki, o, Rumıniya millisinin sürpriz edə biləcəyini deyib. “Komandadakı hər kəs özünə inanarsa, hər şey alına bilər. İtaliya bir vaxtlar belə idi. Rumıniya AVRO-2024-də xoş sürpriz edə bilər. İnanıram ki, biz tamamilə gözlənilməz bir komandanın kuboku qaldırdığını görə bilərik. Bəlkə də növbə Avstriya və İsveçrədədir, və ya bəlkə də Rumıniyamızın qalib gəlmə vaxtıdır. İspaniya millisi İtaliya ilə matçda yaxşı oynasa da, cəmi bir dəfə fərqlənib. Almaniya öz matçında müəyyən hissələrdə oyun göstərə bildi. Böyük komandalar hələ də gizlənir. Amma indi pley-off oyunları başlayıb, Mbappe və Bellinqem kimi bu komandaların liderləri həqiqətən nəyə qadir olduqlarını artıq göstərməlidirlər”. Xatırladaq ki, AVRO-2024-ün 1/8 finalında Rumıniya millisi Niderland ilə qarşılaşacaq. Qarşılaşma bu gün baş tutacaq. Komandalar Münhendəki "Allianz Arena"da qarşılaşacaqlar. Qrup mərhələsində Rumıniya E qrupunda birinci (4 xal), Niderland isə D qrupunda üçüncü (4 xal) olub.
- Gecə Modu
- Ana səhifə
- Statistika
- Səhifələr
- Reytinq
- Hava
- Valyuta
