Qəbələ” klubunun məşqçilər korpusunda yeni təyinat gerçəkləşib.
Sportinfo.az bölgə təmsilçisinin mətbuat xidmətinə istinadən xəbər verir ki, Amil Ağacanov “qırmızı-qaralar”ın qapıçılar üzrə məşqçisi olub.
41 yaşlı mütəxəssislə 3 illik müqavilə imzalanıb.
Ağacanov futbolçu karyerası ərzində “Göyəzən” (2004-2005), “Şüvəlan” (2005-2006, 2011-2013, 2015-2016), “Turan” (2006-2007), “Bakı” (2007), “Masallı” (2007-2008), MOİK (2008), “Standard” (2008-2009), “Muğan” (2009-2011), “Simurq” (2013-2015) və “Zaqatala” (2016-2018) klublarında çıxış edib.
O, 2004-2005-ci illərdə Azərbaycanın U-21 yığmasının formasını geyinib.
Karyerasını bitirdikdən sonra Naxçıvan Futbol Federasiyasında fəaliyyətə başlayan sabiq qapıçı “Araz-Naxçıvan”da da çalışıb. O, klubun qapıçılar üzrə məşqçisi olub.
Ağacanov Qəbələ klubuna gələnə qədər Azərbaycanın U-18 yığmasının məşqçilər korpusunda yer alıb.
Həmçinin qapıçılar üzrə məşqçilər üçün UEFA kurslarına rəhbərlik edən yerli təlimatçılardan biri kimi fəaliyyət göstərib.
