Rusiya Xarici İşlər Nazirliyinin sözçüsü Mariya Zaxarova Fransa prezidenti Emmanuel Makronun aqressiv ritorikası ilə Avropa qitəsini fəlakətə doğru sövq etdiyini bildirib.
Oxu24.com xəbər verir ki, SPIEF-də Zaxarova jurnalistlərə deyib ki, Makronda rusofobiya var.
Diplomat vurğulayıb ki, Makron və komandası dövlət idarəçiliyində təcrübəsi olmayan, təkcə dünya məsələlərində deyil, həm də öz ölkələrində real işlərdə təcrübəsi olmayan insanlardır.
Zaxarova hesab edir ki, Fransa prezidentinin bəyanatları savadsızdır və reallıqdan uzaqdır:
“Mənə elə gəlir ki, Fransa xalqı öz liderindən təkcə Fransanı deyil, bütün Avropanı sürüklədiyi fəlakətdən xəbərdar olub-olmadığını soruşmalıdır”,-deyə o, əlavə edib.
Xatırladaq ki, bundan əvvəl Kremlin sözçüsü Dmitri Peskov bildirmişdi ki, Makronun Fransanın Ukraynadakı münaqişədə mümkün iştirakı ilə bağlı sözləri təxribat xarakterlidir.
Mənbə: Vesti.ru
Yeganə
