Peskov FİDE-nin qərarını ədalətsiz adlandırıb

Rusiya Beynəlxalq Şahmat Federasiyasının (FİDE) Rusiya Şahmat Federasiyasının iki il müddətinə təşkilata üzvlükdən məhrum edilməsi qərarını ədalətsiz hesab edir və buna görə də öz maraqlarını müdafiə edəcək. Bizimyol.info xəbər verir ki, bunu ölkə mətbuatına Rusiya Şahmat Federasiyasının Qəyyumlar Şurasının sədri, Rusiya Federasiyası Prezidentinin mətbuat katibi Dmitri Peskov deyib. “Biz bu qərarın ədalətsiz olduğunu düşünürük, biz öz maraqlarımızı müdafiə edəcəyik”, - deyə Kreml nümayəndəsi bildirib. “İndiyədək FİDE ilə çox konstruktiv münasibətimiz olub, ümid edirik ki, bu, bizim aradan qaldıra biləcəyimiz anlaşılmazlıqdır”, - deyə Peskov vurğulayıb. Bundan əvvəl Rusiya Şahmat Federasiyası ölkə mətbuatına bildirib ki, o, iki ildir təşkilatdadır. Qərar FİDE-nin Etika Komissiyası tərəfindən qəbul edilib və Rusiya Şahmat Federasiyasının öz tərkibinə Rusiya Federasiyasının yeni ərazilərinin regional federasiyalarını daxil etməsi ilə əlaqədardır. İşə Ukrayna Şahmat Federasiyasının şikayəti əsasında baxılıb. Qadir, Bizimyol.info

• Rusiya
• FİDE
• şahmat
• məhrum
• ədalətsiz