“The Wall Street Journal” (WSJ) öz mənbələrinə istinadla yazır ki, Bayden administrasiyası Konqresi İsrailə 1 milyard dollardan çox dəyərində silah satmaq planını irəli sürmək niyyəti barədə məlumat verib.
“İki sahil” xəbər verir ki, ABŞ Rafahdakı hərbi əməliyyatlara görə İsrailə hava bombalarının tədarükünü dayandırıb.
WSJ-nin mənbələri yardım paketlərindən birinə 700 milyon dollarlıq tank sursatları, 500 milyon dollarlıq taktiki maşınlar və 60 milyon dollarlıq minaatan mərmilərinin daxil olduğunu bildirib.
ABŞ prezidentinin milli təhlükəsizlik üzrə müşaviri Ceyk Sallivan deyib ki, ABŞ İrandan gələn təhdidlərdən qorunmaq üçün İsrail qarşısında öhdəlik daşıyır.
Respublikaçı senatorlar Ağ Evi İsrailə silah tədarükünü tamamilə dayandırmaqla hədələdiyinə görə tənqid ediblər.
