Hazırda ölkə ərazisində yağıntılı hava şəraiti müşahidə olunur. Bəzi yerlərdə şimşək çaxıb, arabir yağış yağıb. Ayrı-ayrı yerlərdə yağışlar intensiv xarakterlidir.
Bu sözləri Yenipress.az açıqlamasında Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova deyib.
“İlkin məlumata əsasən, belə hava şəraiti, mayın 17-i axşamadək davam edəcək. Havanın temperaturu Bakıda və Abşeron yarımadasında 14-17, aran rayonlarında 15-18, dağlıq ərazilərdə isə 4-8 dərəcə isti olacaq”, - Məmmədova bildirib.