ABŞ Ukraynaya göndərmək üçün bəzi silahların mövcud olmadığını açıqlayıb

ABŞ-ın Ukraynaya vəd etdiyi bütün silahlar göndərilməyə hazır deyil.

Oxu24.com xəbər  verir  ki, “The New York Post” yazır ki, ABŞ hakimiyyət orqanlarına NATO bölmələrini tükətmədən Kiyevə dəqiq nə göndərə biləcəklərinə qərar vermək üçün vaxt lazımdır.

Qeyd olunur ki, Alyansın bir çox bölmələrindən döyüş hazırlığı tələb olunur ki, bu da amerikalıların vəd etdiyi hər şeyi Kiyevə ötürərkən sadəcə mümkün deyil.

Bununla yanaşı, jurnalistlər Ukraynanın hələlik hansı silahları əldə edə bilməyəcəyini dəqiqləşdirməyiblər.

Qeyd edək ki, ABŞ artıq ayrılan 61 milyard dolların Kiyev üçün uzun müddət kifayət edəcəyinə şübhə etdiyini bildirib.

Xatırladaq ki, aprelin 24-də ABŞ prezidenti Co Bayden Ukraynaya hərbi yardım haqqında qanun layihəsini imzalayıb. Bundan sonra Kremlin sözçüsü Dmitri Peskov bildirib ki, Kiyev rejiminə Qərb silahlarının yeni tədarükü cəbhədəki vəziyyəti geri qaytara bilməyəcək.

Yada salaq ki, Rusiya Xarici İşlər Nazirliyi Qərb ölkələrinin Ukraynaya göndərdiyi silahların olduğu istənilən yükün Rusiya Aerokosmik Qüvvələrinin qanuni hədəfi olacağını dəfələrlə vurğulamışdı. Xarici işlər naziri Sergey Lavrov silah tədarükünün dayanmayacağını, əksinə Ukraynadakı münaqişəni uzadacağını bəyan edib və Qərb ölkələrinin mövqeyini “zərərli” və “əks-məhsuldar” adlandırıb.

Afət