"Qalatasaray" rəhbərliyi Kerem Aktürkoğlu ilə bağlı gözlənilməz qərar verib.
Sportal.az xəbər verir ki, İstanbul təmsilçisi türk futbolçunu satmağı planlaşdırır. Bu barədə yerli mətbuat məlumat yayıb.
"Sarı-qırmızılar" 25 yaşlı vinger üçün 10 milyon avrodan yuxarı gələcək təklifləri dəyərləndirəcək.
Qeyd edək ki, "Qalatasaray" Kerem Aktürkoğlunu 2020-ci ilin yayında "Erzincanspor"dan transfer edib. Türkiyə millisinin üzvü bu mövsüm "cimbom"un heyətində meydana çıxdığı 50 rəsmi matçda 15 qol və 8 məhsuldar ötürmə ilə yadda qalıb.
