“Məhşər Divanı: Yalanın 17 anı” kitabında yalançı erməni tarixindən bəhs edilir

Bakı, 25 aprel, AZƏRTAC

“Məhşər Divanı: Yalanın 17 anı” əsəri uzun müddət ərzində ərsəyə gəlib. Kitabın ilk təqdimatı 2022-ci ildə Bakı Kitab Mərkəzində olub. Bu, mənim qan yaddaşıma uşaqlıqdan hopan hadisələrin nəticəsində yazılıb. Bundan sonra uzun illər tarixi araşdırmalardan sonra kitabın yazılmağı ilə bağlı qərar verdim.

Bu sözləri AZƏRTAC-a “Məhşər Divanı: Yalanın 17 anı” romanının təqdimat mərasimində jurnalistlərə açıqlamasında fəlsəfə üzrə fəlsəfə doktoru, kitabın müəllifi Adəm İsmayıl Bakuvi deyib.

O bildirib ki, kitabda yalançı erməni tarixini öz xalqına ötürmək istəyən 16 ermənidən bəhs edir. "Bütün dünyaya məlum olmalıdır ki, erməni terror təşkilatları sayına görə dünyada birinci yerdədir. Ən vacibi isə odur ki, ermənilər ümumiyyətlə, dünya tarixində ən çox terror hadisələri törədən təşkilatların rəhbərləridirlər. Kitabın təqdimatının aprelin 24-də keçirilməsi təsadüfi deyil. Bu gün yalançı erməni soyqırımı günüdür. Kitabda mənfur düşmənlərin iç üzləri göstərilir", - deyə o diqqətə çatdırıb.