Rusiya müdafiə nazirinin müavini rüşvətə görə saxlanıldı

Rusiya müdafiə nazirinin müavini Timur İvanov rüşvət almaqda şübhəli bilinərək saxlanılıb.

Rusiyanın İstintaq Komitəsinin əməkdaşları tərəfindən saxlanılan müdafiə nazirinin müavini Timur İvanov azı 1 milyon rubl rüşvət almaqda şübhəli bilinir.

Bu barədə Report TASS-a istinadən xəbər verir.

Qeyd edilir ki, Cinayət Məcəlləsinin ona qarşı irəli sürülən maddəsinə görə, məmuru 15 ilədək həbs cəzası gözləyir.

Məlumata görə, o, xüsusilə böyük miqdarda rüşvət almaqda şübhəli bilinərək saxlanılıb (Rusiya Federasiyası Cinayət Məcəlləsinin 6-cı maddəsinin 290-cı hissəsi). Xüsusilə böyük məbləğ 1 milyon rubl məbləğindən başlayır. Beləliklə, İvanov 1 milyon rubldan çox rüşvət almaqda şübhəli bilinir. Bu maddə üzrə maksimum cəza 15 ilə qədər həbsi nəzərdə tutur.

Rusiya Prezidentinin mətbuat katibi Dmitri Peskov bildirib ki, T.İvanovun saxlanılması barədə dövlət başçısı Vladimir Putinə məruzə edilib.