Raketlərə qarşı yeni silahlar hazırlanır

reyting.az

Dünya

14:18 18.04.2024

Smartbee
Şikayət et

Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.

ABŞ-da hərbi sənaye yenilikləri ilə bağlı keçirilən növbəti müsabiqənin nəticələri gözlənilməz olub. Uzun və mübahisəli səsvermədən sonra ABŞ hərbi-sənaye şirkəti "Lockheed Martin" təqdim etdiyi məhsul sayəsində yeni nəsil raketlərin qarşısının alınması üzrə müsabiqənin qalibi seçilib.

Reyting.az-ın xəbərinə görə, ABŞ Raketdən Müdafiə Agentliyinin bəyan etdiyi kimi,"Lockheed Martin" Amerikanı qitələrarası ballistik raketlərdən qorumaq üçün yeni tutma qurğusunun dizayneri və istehsalçısıdır.

Agentlikdən bildiriblər ki, son seçim gələn il olmalı idi, lakin rəqib şirkət "Northrop Grumman" bu mübarizədən vaxtından əvvəl kənarlaşdırılıb.

ABŞ hərbi sənaye nəhənginin çox önəmli "Next Generation Interceptor" müsabiqəsində birinci olması, ölkədə fəaliyyət göstərən müdafiə istehsalçısı MDA-nın açıqladığı kimi, bundan sonrakı istehsal və sahə müqaviləsinə gətirib çıxaracaq, eləcə də uçuş sınaq proqramında yeganə podratçı şirkət olaraq ancaq "Lockheed Martin" ilə xidmətə davam edəcəyi deməkdir.

Raketdən Müdafiə Agentliyindən bildiriblər ki, bu şirkətin potensialı ona bütün tapşırıqları yerinə yetirmək imkan verir. Bütün bu işlər 2028-ci ilin sonuna qədər tamamlanmalıdır.

Agentlik sözçüsü əlavə edib ki, "Lockheed Martin"-nin seçiminin faydalı olduğuna şübhə yoxdur, lakin raket istehsalçısına buna görə yeni maliyyə ayrılmayacaq.

RMD aerokosmik istehsalçının 2021-ci il müqaviləsində öz əksini tapan, mövcud olan vəsaitlərdən istifadəyə davam edəcəyi xüsusi vurğulanıb.

"Lockheed Martin" şirkətinin iştirakı ilə NGI proqramı ballistik raket təhdidlərinə uyğunlaşdırılmış hazırkı yerüstü və ortamənzilli raket tutucuları yeni modellərlə əvəz etməyi planlaşdırır.

Oqtay QORÇU

Seçilən