Zurabişvili Qərb səfirləri ilə görüş keçirir – Təcili

Gürcüstan Prezidenti Salome Zurabişvili parlamentdə xarici agentlər haqqında qanun layihəsinin müzakirəsi kontekstində respublikada yaranmış vəziyyətlə əlaqədar Avropa Birliyi ölkələrinin, eləcə də ABŞ və Böyük Britaniyanın səfirləri ilə təcili iclas keçirir.

Axar.az xəbər verir ki, bu barədə TASS məlumat yayıb.

Zurabişvili ilə görüşdə Avstriya, Bolqarıstan, Böyük Britaniya, Almaniya, İtaliya, Litva, Polşa, Sloveniya, Fransa, Çexiya səfirləri, həmçinin AB-nin Tbilisidəki diplomatik missiyasının rəhbəri Pavel Qerçinski iştirak edir.

Görüşün məxfi olacağı bildirilib.