Niyə universitetlər öz vəsaitini Elm və Təhsil Nazirliyinə məcburi köçürməlidir? - Deputat/VIDEO

Ali təhsil müəssisələri öz müəlliminə, tələbəsinə xərcləməli olan vəsaiti məcburi formada Elm və Təhsil Nazirliyinin nəzdində olan Təhsil İnkişaf Fonduna köçürməli olur. Bunu deputat Fazil Mustafa deyib.

"Ali təhsil müəssisələrindən Elm və Təhsil Nazirliyi ödənişli təhsil alan tələbələrin sayına müvafiq olaraq yığılan vəsaitin əhəmiyyətli hissəsini 500 min manatdan 1 milyon 200 min manata qədər məbləği nazirliyin nəzdində yaradan Təhsilin İnkişaf Fonduna köçürür. Bu vəsait nazirliyin sosial müdafiəsinə və hədəfləri bəlli olmayan grant layihələrinə xərclənir. Universitetin öz müəlliminə sərf edəcəyi yaxud da öz tələbəsinə özünün maddi ehtiyaclarına ayıracaq vəsaiti niyə nazirliyə köçürməlidir? Bu muxtariyyət prinsipinə uyğun deyil. Qoyun universitet öz müəlliminin, tələbəsinin problemini özü həll etsin. Mərkəzləşmiş qaydada universitetin işinə müdaxilə ilə əslində onların problemini dövlət büdcəsinə yönəldilmiş oluruq. Biz dövlət büdcəsini niyə belə yükləməliyik?,- deputat martın 29-da Milli Məclisdə "Təhsil haqqında" qanuna münasibət bildirərkən söyləyib.


www.anews.az