"Velosipedi uzaq məsafəyə daşıma imkanları olmalıdır"

"Velosipedi uzaq məsafəyə daşımaq üçün digər nəqliyyat növləri ilə daşıma imkanları olmalıdır. Bunun dünya şəhərlərində fərqli növləri var. Məsələn, Ştutqartda tramvayın önünə müəyyən qurğular qurulur, istifadəçi bəlli bir məsafəni tramvayla gedir. Daha sonra velosipedlə öz səfərinə davam edir".

Bunu Demokrat.az-a açıqlamasında nəqliyyat eksperti Rauf Ağamirzəyev deyib. R.Ağamirzəyevin sözlərinə görə ölkə qanunvericiliyi bu günə kimi velosipedin sökülmüş halda daşınmasına icazə verirdi:

"Yeni qatarlarda iki ədəd velosipedin açılmış halda daşınmasına icazə verilir. Düşünürəm ki, gələcək illərdə bu say artırılmalıdır. Çünki istifadəçi sayı artarsa, imkanlar da genişləndirilməlidir. Dəmir yolu stansiyalarında veloparkinq təşkil olunursa, onun önündə avtomobilin park etməsinə icazə verilməməlidir. Çünki mikromobillik vasitələrinin əsas hədəfi metro, dəmir yolu stansiyalarından müəyyən məsafəni qət etməkdir. Buna yaradılan əngəllər aradan qaldırılmalıdır. Piyada infrastrukturu olmalıdır ki, qısa məsafəni insanlar piyada gəzsinlər. Fərdi nəqliyyatla hərəkəti azaltmaq üçün piyada infrastrukturu, veloparkinqlər, avtobus zolaqları şəbəkələri inkişaf etdirilməlidir".

Törə Zeynallı
Demokrat.az

"Velosipedi uzaq məsafəyə daşıma imkanları olmalıdır" — Nəqliyyat eksperti

Hesaba daxil ol

Qeydiyyatdan keç

Şifrəni bərpa et