Moderator.az xəbər verir ki, "Tottenhem" hesabda önə çıxıb - 1:0.
***
Oyunun 7-ci dəqiqəsində "Tottenhem" "Qarabağ"la oyunda azlıqda qalıb.
***
“Qarabağ” Avropa Liqasının Liqa mərhələsində mübarizəyə başlayır.
Ağdam təmsilçisi yeni formatda keçirilən yarışda bu gün ilk oyununa çıxıb. Qurban Qurbanovun komandası Londonda “Tottenhem”lə qarşılaşır.
"Qarabağ"ı aparan avtobusun Londonda tıxaca düşməsi səbəbindən görüş Bakı vaxtı ilə 23:00-da deyil, 23:35-də başlayıb.
Qeyd edək ki, “Tottenhem” “Qarabağ”a tanış rəqibdir. 2015-ci ildə də bu komandalar iki dəfə qarşılaşıblar. Avroliqanın qrup mərhələsində keçirilən oyunların hər ikisi “Tottenhem”in qələbəsi ilə yekunlaşıb - Londonda 3:1, Bakıda 1:0.
Xatırladaq ki, Avropa Liqasının Liqa mərhələsində ilk 8 yeri tutan komanda yarışın 1/8 finalına, 9-24-cü yeri tutanlar isə pley-off mərhələsinə vəsiqə qazanır. 25-36-cı olanlar isə avrokuboklarda mübarizəni başa vururlar.
23:35. “Tottenhem” (İngiltərə) - “Qarabağ” (Azərbaycan) - 0:0 (Birinci hissə)
London, “Tottenhem Hotspur” stadionu
Baş hakim: Villi Delajo, (Fransa)
