Rusiyada son həftə ərzində COVID-19 xəstəliyinə yoluxma halları 30 faiz artıb.
Redaktor.az yerli mediaya istinadla xəbər verir ki, bu barədə yeni koronavirus infeksiyası ilə mübarizə üzrə Federal Əməliyyat Qərargahı məlumat yayıb.
"Ötən həftə 100 min nəfərə düşən yeni koronavirus infeksiyasına yoluxma göstəricisi əvvəlki həftə ilə müqayisədə 29,1% çoxdur", - əməliyyat qərargahından bildirilib.
Ekspertlər Rusiyanın 59 subyektində yoluxanların sayının çoxaldığını bildiriblər, 12 regionda isə bu göstərici ölkə üzrə orta göstəricidən daha sürətlə artır.
