“YouTube”un keçmiş CEO-su Suzan Vocitski vəfat edib.
Redaktor.az xəbər verir ki, bu barədə onun həyat yoldaşı məlumat verib.
O, iki ildir ki müalicə olunduğu ağ ciyər xərçəngindən vəfat edib.
Vocitski keçən il açıqlamışdı ki, o ailəsinə, sağlamlığına və digər şəxsi layihələrinə diqqət yetirmək üçün “YouTube”da liderlik rolundan geri çəkilir. Suzan Vocitski doqquz il (2014-2023) “YouTube”un baş direktoru vəzifəsində çalışıb.
O, “YouTube”un ana şirkəti “Google” ilə ilk günlərdən çalışıb və bu şirkətin 16-cı işçisi olub. Təxminən 25 il “Google”la əməkdaşlıq edib.
