Türkiyənin Dənizli vilayətində baş verən ağır yol qəzası ölümlə nəticələnib.
Bakuinfo.net yerli mətbuata istinadən xəbər verir ki, Pamukkale rayonunda mikroavtobusun minik avtomobili ilə toqquşması nəticəsində 2 nəfər hadisə yerində həlak olub, 10 nəfər isə yaralanıb. Yaralıların hamısının toxuculuq firmasının əməkdaşları olduğu bildirilib.
Hadisə yerinə təcili yardım, jandarm, polis və xilasedicilər cəlb edilib. Yaralılar dərhal xəstəxanaya çatdırılıb.
Qəza ilə bağlı araşdırma aparılır.
