Almaniya nümayəndəsi Kristin Anderson Avropa Parlamentinə bəyanat göndərərək, Slovakiyanın baş naziri Robert Fikoya və ABŞ-ın keçmiş prezidenti Donald Trampa qarşı sui-qəsd cəhdlərini şərh edib və “demokratiyanı qorumaq” üçün təcili tədbirlər görməyə çağırıb.
Publika.az xəbər verir ki, Anderson hər iki hadisəni “iyrənc” adlandırıb və deyib ki, onlar ayrı-ayrı siyasətçilərə deyil, “demokratiyanın təməl dəyərlərinə” hücumdur.
“Yüksək səviyyəli siyasi xadimlər son zamanlar silahlı hücumların hədəfinə çevrilib: Donald Tramp, Robert Fiko... Demokratik proseslərin təhlükəsizliyini və bütövlüyünü qorumaq üçün birgə fəaliyyətin görülməsi böyük əhəmiyyət kəsb edir”, - müraciətdə deyilir.
