Ötən gün Paris Yay Olimpiya Oyunlarının açılış mərasimi olub. Tədbir Sena çayında baş verib.
Milli.Az publika.az-a istinadən xəbər verir ki, idmaçıların parad zamanı Əlcəzair nümayəndə heyəti Parisdəki qırğınlar zamanı öldürülən əlcəzairlilərin xatirəsinə çaya güllər atıb.
Güllərin çaya atılmasının xüsusi səbəbi var. Fransızlar hadisəni ört-basdır etmək üçün qurbanların sənədlərini və meyitlərini məhz Sena çayına atıblar.
Qeyd edək ki, 1961-ci il oktyabrın 17-də Parisdə polis Əlcəzairdəki müharibəyə qarşı çıxan əlcəzairlilərin etirazlarını vəhşicəsinə yatırtıb. Qurbanların sayı 200 nəfər olduğu deyilir.
Milli.Az
Xəbərlərimizi WhatsApp kanalımızdan da oxuyun
