Azərbaycanın güllə atıcısı Ruslan Lunyov Paris-2024 Yay Olimpiya Oyunlarında mübarizəyə start verib.
“Report”un məlumatına görə, o, pnevmatik tapançadan 10 metr məsafəyə atəş açıb.
Lunyov 33 iştirakçı arasında 24-cü olub və final mərhələsinə yüksələ bilməyib.
İdmançı 25 metr məsafədən atəşaçmada da bacarığını göstərməyə çalışacaq.
Qeyd edək ki, Paris-2024 avqustun 11-də başa çatacaq.
Xatırladaq ki, bu gün Azərbaycan badmintonçusu Keişa Fatimə Zəhra və cüdomuz Leyla Əliyeva mübarizəyə başlayıblar. Hər iki idmançının çıxışı uğursuz olub.
