Bəzi cinayətlərin açılmasında mətbuatın da töhfəsi olub. Cinayətkarlığa qarşı mübarizə sahəsində media nümayəndələrinin göstərdiyi cəhdlər, sərf etdikləri əmək xüsusi qeyd olunmalıdır.
AZƏRTAC xəbər verir ki, bu fikri Baş prokuror Kamran Əliyev 2024-cü ilin birinci yarısının yekunlarına həsr olunmuş geniş kollegiya iclasında söyləyib.
Baş prokuror qeyd edib ki, müxtəlif hüquqpozmalar barədə mətbuatda yayılan məlumatlar əsasında prokurorluq orqanları tərəfindən 8 araşdırma aparılıb və onlardan 4-ü üzrə Cinayət Məcəlləsinin müxtəlif maddələri ilə cinayət işi, 1-i üzrə isə İnzibati Xətalar Məcəlləsinin müvafiq maddəsi ilə inzibati xətalar haqqında iş üzrə icraat başlanıb.
K. Əliyev səmərəli və sağlam qarşılıqlı əməkdaşlıq sayəsində əldə olunan nəticələrə və cinayətkarlığa qarşı mübarizədə prokurorluq və digər hüquq-mühafizə orqanlarına daim dəstək olduqları üçün media nümayəndələrinə təşəkkür edib.
DOĞRU.AZ
