Bu il Cəlilabad rayonunda kartofun məhsuldarlığı xeyli azalıb.
Bu barədə "Far.Az"un yerli bürosuna Cəlilabad Rayon Statistika İdarəsindən məlumat verilib.
Belə ki, ötən il 5 min 500 hektar sahədə 158 min 920 ton kartof məhsulu yetişdirilib. Bu il isə 2 min 900 hektar sahədə 61 min ton sözügedən məhsul istehsal olunub.
Bu isə məhsuldarlığın 2,6 dəfə - 62 % azalması deməkdir.
Fermerlərin sözlərinə görə, məhsuldarlığın azalmasının əsas səbəbi kartof əkini aparılan sahələrin xeyli azaldılmasıdır. Buna səbəb istehsalçıların son illər məhsulun tədarükü ilə bağlı qarşılaşdığı problemlərdir. Belə ki, ötən il məhsul 20-25 qəpiyə satılıb. Bu qiymətdə çəkilən xərcləri ödəmir. Eyni zamanda fermerlər ötən il daşınma xərci baha olduğu üçün Rusiya bazarlarına da məhsul göndərə bilmədiklərini deyirlər.
