"Pentaqon İsrail ilə "Hizbullah" arasında mümkün müharibə ərəfəsində hərbi gəmilərini Şərqi Aralıq dənizinə yerləşdirir..."
"İraq İslam Müqaviməti" hərəkatına daxil olan şiə silahlı dəstələrinin Koordinasiya Komitəsi Livanda "Hizbullah" ilə gərginliyin tammiqyaslı müharibəyə keçəcəyi təqdirdə İsrailə hücumları gücləndirməyi vəd edir.
Moderator.az xəbər verir ki, bu barədə Livanın "Əl-Mayadin" telekanalı məlumat verib. Məlumatı "israelan.com" nəşri yayıb.
Məlumatda deyilir ki, İran terrorçuları məlumat verib ki, Eylat istiqamətində iki döyüş PUA-sı buraxıb. İsrail hələlik bu hücum haqqında məlumat verməyib.
Livan telekanalı həmçinin məlumat verib ki, "İraq İslam Müqaviməti" Vaşinqtonu təhdid edib və bəyan edib ki, İsrail ilə "Hizbullah" arasında müharibənin baş verəcəyi təqdirdə ABŞ-ın İraqda və bütün Yaxın Şərqdə maraqları dairəsinə daxil olan bütün obyektlər onun üçün qanuni hədəflər olacaq.
İran tərəfindən dəstəklənən İraq yaraqlıları son bir neçə ay ərzində pilotsuz uçuş aparatlarından istifadə etməklə Eylata bir sıra hücumlara görə məsuliyyəti öz üzərinə götürüb.
Livanın "Hizbullah" terrorçu təşkilatı 2023-cü il oktyabrın 8-dən başlayaraq demək olar ki, hər gün İsrailin şimal yaşayış məntəqələrinə və sərhəd boyunca yerləşən hərbi postları və hərbi bazalarına atəşlər həyata keçirir.
Qruplaşmanın bəyanatlarına görə, bununla "Hizbullah" İsrail ilə müharibədə HƏMAS-a dəstək verir.
Öz növbəsində İsrail xəbərdarlıq edib ki, "Hizbullah"ın təcavüzünə daha dözmək niyyətində deyil və bəyan edib ki, əgər şimalda vəziyyətin kəskinləşməsi diplomatik yolla nizamlanmasa, problem hərbi yolla həll ediləcək.
Bundan öncə məlumat verilib ki, Pentaqon hərbi gəmilərini İsrail ilə "Hizbullah" arasında mümkün genişmiqyaslı müharibə ərəfəsində Şərqi Aralıq dənizinə yerləşdirir.
Bu barədə Amerikanın NBC xəbərlər kanalı ABŞ Müdafiə Nazirliyinin üç anonim nümayəndəsi və hərbi idarənin planlarından xəbərdar olan bir sabiq məmura istinadən məlumat verib.
