Avropa İttifaqı Şurası Avropa İttifaqının yeni liderlərini seçib.
NOCOMMENT.az xəbər verir ki, səsvermə nəticəsində Ursula Fon der Lyayen Avropa Komissiyasının Prezidenti olaraq qalır, Avropa İttifaqı Şurasına Portuqaliyanın keçmiş baş naziri Antoniu Koşta, xarici siyasət xidmətinə isə Estoniyanın Baş naziri Kaya Kallas başçılıq edəcək.
İndi Avropa Parlamenti onların namizədliklərini və yeni Avropa komissarlarını təsdiq etməlidir. 720 yerlik yeni parlamentdə 190 yerə sahib olan Avropa İttifaqının ən böyük siyasi bloku olan Avropa Xalq Partiyasının əksər deputatlarının Fon der Lyayeni dəstəkləyəcəyi gözlənilir.
Lakin onun səs çoxluğu əldə etmək üçün digər partiyaların dəstəyinə və Avropa parlamentarilərinin yarısından bir qədər çoxunun səsinə ehtiyacı olacaq.
