“Qəbələ” heyətinə yeni futbolçu qatdı

26 yaşlı futbolçu ilə 2 illik müqavilə imzalanıb. 2024-2025-ci illər mövsümünün transfer çalışmalarına start verən “Qəbələ” heyətinə yeni futbolçu qatıb. Matc.az xəbər verir ki, müdafiəçi Vüqar Həsənov “qırmızı-qaralar”ın uğurları üçün çalışacaq. Bu barədə məlumatı klub rəsmən açıqlayıb. 26 yaşlı futbolçu ilə 2 illik müqavilə imzalanıb. Həsənov son iki mövsümdə “Səbail”in formasını geyinib. O, bunadək “Şamaxı-2” (2017-18), “Neftçi-2” (2020), “Kəpəz” (2021-22) komandalarında çıxış edib. Müdafiəçi Azərbaycanın 21 yaşadək futbolçulardan ibarət millisinin də şərəfini qoruyub.