Müəllimlərin sertifikatlaşdırması prosesində keçid balını toplamayan müəllimlər əsasən, Lənkəran-Astara, Qarabağ, Mərkəzi Aran Regional Təhsil idarəsi tabeliyindəki məktəblərdə çalışan müəllimlərdir.
"Qafqazinfo" xəbər verir ki, bunu Məktəbəqədər və Ümumi Təhsil üzrə Dövlət Agentliyinin Ümumi təhsilin təşkili şöbəsinin müdir müavini Nurlan İsmayılbəyli təhsilverənlərin sertifikatlaşdırılması prosesi ilə bağlı keçirilən brifinqdə deyib.
Onun sözlərinə görə, riyaziyyat fənni üzrə keçirilən sertifikasiyanın nəticələri yüksəkdir: "İngilis dili fənni üzrə də nəticələr qənaətbəxşdir. Təhlillər aparıldıqdan sonra sertifikasiya nəticələri ilə bağlı daha geniş məlumat veriləcək".
Lamiyə Məmmədova
