Abşeron rayonunda 82 yaşlı kişinin xəsarət alması ilə nəticələnən yol-nəqliyyat hadisəsi baş verib. “Report”un məlumatına görə, hadisə rayonun Məhəmmədi qəsəbəsində qeydə alınıb.
Avtomobil yolu keçən 1942-ci il təvəllüdlü Xeyrullayev Abdulxan Bəhər oğlunu vurub.
Yaralı təcili tibbi yardımın köməkliyi ilə xəstəxanaya çatdırılıb.
Müayinə zamanı ona sağ almacıq sümüyünün sınığı və qapalı kəllə-beyin travması diaqnozları qoyulub.
Hadisənin təfərrüatı araşdırılır.
