Almaniyada keçirilən futbol üzrə Avropa çempionatının F qrupunda II tura start verilib.
"Report"un məlumatına görə, günün ilk matçında Gürcüstan və Çexiya yığmaları üz-üzə gəliblər.
Qarşılaşma 1:1 hesabı ilə başa çatıb.
Gürcüstanlı Jorj Mikautadze 45+4-cü dəqiqədə penaltidən fərqlənib. 59-cu dəqiqədə Patrik Şik tarazlığı bərpa edib.
Qeyd edək ki, Gürcüstan ilk matçda Türkiyəyə (1:3), Çexiya isə Portuqaliyaya (1:2) uduzub.
Bu gün saat 20:00-da Türkiyə - Portuqaliya görüşü gerçəkləşəcək. AVRO-2024 iyulun 14-də başa çatacaq.
18:22
Almaniyada keçirilən futbol üzrə Avropa çempionatının F qrupunun Gürcüstan - Çexiya oyununda ikinci qol vurulub.
"Report" xəbər verir ki, çexiyalı hücumçu Patrik Şik 59-cu dəqiqədə tarazlığı bərpa edib - 1:1.
18:07
Almaniyada keçirilən futbol üzrə Avropa çempionatının F qrupunun Gürcüstan - Çexiya oyununda ikinci hissə başlayıb.
"Report" xəbər verir ki, hazırda Gürcüstan yığması hesabda öndədir - 1:0.
Jorj Mikautadze 45+4-cü dəqiqədə penaltini dəqiq yerinə yetirib.
17:50
Almaniyada keçirilən futbol üzrə Avropa çempionatının F qrupunun Gürcüstan - Çexiya oyununda hesab açılıb.
"Report"un məlumatına görə, 45+4-cü dəqiqədə Gürcüstan seçməsi hesabı açıb.
Jorj Mikautadze penaltini dəqiq yerinə yetirib.
Matçın ilk hissəsi bu hesabla başa çatıb.
17:00
Almaniyada keçirilən futbol üzrə Avropa çempionatının F qrupunda II tura start verilib.
"Report"un məlumatına görə, Gürcüstan - Çexiya oyunu Bakı vaxtı ilə saat 17:00-da başlayıb.
Matçı almaniyalı Daniel Zibert idarə edir.
Qeyd edək ki, Gürcüstan ilk matçda Türkiyəyə (1:3), Çexiya isə Portuqaliyaya (1:2) uduzub.
Bu gün saat 20:00-da Türkiyə - Portuqaliya görüşü gerçəkləşəcək. AVRO-2024 iyulun 14-də başa çatacaq.
