Jurnalist Həmid Həmidovun “Danışaq?” layihəsinin yeni buraxılışının qonağı Azərbaycanın xalq yazıçısı, Yazıçılar Birliyinin, Kinematoqrafçılar İttifaqının üzvü Natiq Rəsulzadə olub.
"Report" xəbər verir ki, qonaq bu günlərdə qonorarla yaşamağın mümkün olub-olmamasından, hazırda nələr üzərində işlədiyindən, nəşriyyatla əməkdaşlığından danışıb.
Bundan başqa, bu günlərdə Azərbaycanda yazıçı olmaq necədir, müəlliflərlə nəşriyyatlar arasında münasibətlər necə qurulur və s. barədə fikir mübadiləsi aparılıb.
O, müasir Azərbaycan yazıçısının qarşılaşdığı əsas problemlər nələrdir sualına cavab verməyə çalışıb.
N.Rəsulzadə yazdığı son kitabından, gələcək əsərlərinin mövzularından, həmçinin müasir texnologiyaların, xüsusən də süni intellektin müasir yazıçılar üçün hansı təhlükələr yarada biləcəyindən danışıb.
Həmsöhbətlər son 30 ildə Azərbaycanda ədəbi mühitdə baş verən dəyişikliklərə də toxunub, müasir Azərbaycan kinosunu müzakirə ediblər və hər kəs üçün vacib olan “Dünya hara yuvarlanır?” sualına cavab verməyə çalışıblar.
