Jurnalist Həmid Həmidovun “Danışaq?” layihəsinin yeni buraxılışının qonağı tanınmış azərbaycanlı müğənni İlhamə Qasımova olub.
"Report" xəbər verir ki, jurnalistlə yanaşı digər aparıcılar, həmkarları - Seymur Zəkəryayev və Feliks Vişnevetski olub.
Verlişdə İ.Qasımovanın musiqi karyerasına necə başlaması, “Eurovision” musiqi yarışmasında ölkəni təmsil etmək hüququ uğrunda mübarizə aparması, 65 yaşında özünü necə gördüyü məsələsinə toxunulub.
Müğənni polis orqanlarında çalışmasından, Almaniyada fəaliyyətindən, eləcə də, ABŞ-dəkı həyat və fəaliyyətindən danışıb.
Söhbət zamanı 17 yaşında evlilik və depressiya mövzusuna da toxunan müğənni niyə həmişə tək olduğunun səbəblərini də açıqlayıb.
Bundan başqa, İ.Qasımova 23 kiloqram arıqladığını bölüşüb, iki filmin çəkilişindən, ictimai rəydən, yaxınlarını itirməsindən danışıb.
