A]stafa-Bakı sürətli qatar yenə yolda qalıb. Bu dəfə də ənənəvi olaraq qatar Goranboy rayonu ərazisində dayanıb. Artıq bu hal neçənci dəfədir ki, təkrarlanır. Nəticədə, sərnişinlər min-bir əziyyətlə mənzil başına çatıblar.
Mövzu ilə bağlı News365.az –a ADY-dən verilən açıqlamada bildirilir ki, 19 iyunda Ağstafadan Bakıya saat 17.30-da yola düşən 705 nömrəli sərnişin qatarı Dəllər və Goran stansiyaları istiqamətində hərəkətdə olarkən elektrik enerjisinin verilməsində yaranmış texniki nasazlıq səbəbindən 2 saatdan çox yolda qalıb:
“Bu səbəbdən sərnişinlərin Bakıya çatdırılması üçün Hacıqabul stansiyasından Bakı istiqamətinə ödənişsiz avtobuslar ayrılıb. Eyni zamanda sərnişinlərin mənzil başına rahat və təhlükəsiz çatdırılması üçün 20 Yanvar dairəsi, Zığ və Bayıl istiqamətlərinə ödənişsiz avtobuslar, o cümlədən Bakı-Xırdalan-Sumqayıt və Bakı-Pirşağı-Sumqayıt marşrutları üzrə əlavə qatar reysləri təyin edilib”.
Məlumatda həmçinin qeyd olunur:
“ADY yaranmış problemə görə sərnişinlərindən üzr istəyir, bu kimi halların gələcəkdə təkrarlanmaması üçün kompleks tədbirlər üzərində işləyir”.
İlhamə Qiyas, News365.az
