Ermənistan qarşısında şam yandırmalı olan ikona kimi yox, öz üstünlükləri və mənfi cəhətləri olan, bəzi yerlərdə sevilə bilən, bəzi yerlərdə isə cəlbedici olmayan canlı orqanizm kimi qəbul edilməlidir.
Axar.az xəbər verir ki, bu sözləri Ermənistan Baş naziri Nikol Paşinyan iyunun 19-da dövlət idarəetmə orqanlarına diaspora mütəxəssislərinin cəlb edilməsi üzrə "iGorz" proqramının iştirakçıları ilə görüşündə deyib.
O bildirib ki, canlı orqanizm məşq edib daha da yaxşılaşa bilər:
"Hər şeyi ilahiləşdirmək bizim təbiətimizdədir. Biz dövləti ilahiləşdiririk. Problem ondadır ki, özümüzü dövlətimizi yaxşılaşdırmaq imkanından məhrum edirik. Ordumuzu ilahiləşdirdik və nəyə nail olduq? 2020-ci ildə və ondan sonra gördüklərimiz ordumuzun ilahiləşdirilməsi səbəbindən baş verdi. Dedilər: "Sakit ol, ordu başqa orqanizmdir, ona pis söz deyə bilməzsən". Amma hamımız içəridə nə baş verdiyini bilirdik.
Müqəddəslik çox vacibdir, lakin bunun gündəlik substantiv işlə heç bir əlaqəsi yoxdur".
Milli.Az
Xəbərlərimizi WhatsApp kanalımızdan da oxuyun
