Qidalanma dəri sağlamlığına təsir edən mühüm amillərdəndir.
Yağlı və konservləşdirilmiş qidalardan, şəkərli qəlyanaltılardan və həddindən artıq kofein ehtiva edən içkilərdən qaçmaq dəri sağlamlığına müsbət təsir göstərir.
"Cebhe.info" xəbər verir ki, mütəxəssislərin fikrincə, dərinin sağlamlığını qoruyan antioksidanlar, vitaminlər və minerallarla zəngin qidaları seçmək vacibdir.
Dəriyə mənfi təsir edəcək qidalar isə aşağıdakılardır:
1. Qəhvə
Tərkibindəki yüksək miqdarda şəkər səbəbiylə kofe və onun müxtəlif növləri dəridə ləkələr əmələ gəlməsinə səbəb ola bilər.
2. Qırmızı ət
Yüksək yağlı mal əti dəridə iltihaba səbəb ola bilər.
3. Qablaşdırılmış qidalar
Konservləşdirilən qidalar həddindən artıq miqdarda ləkələrin gəlməsinə səbəb ola bilər. Bu cür qidaların istehlakını məhdudlaşdırmaq və daha sağlam variantları seçmək dəri sağlamlığını qorumaq üçün vacibdir.
4. Alkoqol
Alkoqol istehlakı bədəndə sərbəst radikalların istehsalını artırır. Bu, dərinin ultrabənövşəyi şüalara qarşı daha az qorunmasına və vaxtından əvvəl qocalmasına səbəb ola bilər. Bu baxımdan spirt istehlakını məhdudlaşdırmaq və dərini günəşin zərərli təsirlərindən qorumaq vacibdir.
5. Yağlar
Marqarin kimi yağlar dəri üçün olduqca zərərlidir, səpki və iltihabı artırır.
6. Qızardılmış qidalar
Trans yağlar dərinin nəfəs almasına böyük maneədir. Yüksək miqdarda trans yağların istehlakı xroniki iltihablı prosesləri artırır. Dərinin sağlamlığını qorumaq üçün tərkibində trans yağ olan qidalardan uzaq durmaq lazımdır.
