Çin Xalq Azadlıq Ordusunun (PLA) Milli Müdafiə Universitetinin mütəxəssisləri müxtəlif hərbi rəhbərlərin davranışlarını təqlid edə bilən süni intellekt (AI) hazırlayıblar.
Sfera.az xəbər verir ki, bu barədə "South China Morning Post" (SCMP) yazıb.
Nəşr bildirib ki, süni intellekt komandirin davranışını simulyasiya edə, onun düşüncəsini, hərbi təcrübəsini və hətta şəxsi keyfiyyətlərini təhlil edə bilər. Alimlər bildiriblər ki, virtual hərbçinin şəxsi xüsusiyyətləri sifarişçinin istəyi ilə tənzimlənə bilər.
Komandirləri təqlid edən süni intellekt çinli hərbçilərə virtual mühitdə daha real hərbi təlimlər keçirməyə kömək etmək üçün yaradılıb. Bu, təlimlərdə həmişə iştirak edə bilməyən PLA komandirlərinin çatışmazlığını kompensasiya edəcək.
Bundan əlavə, SCMP-yə görə, ABŞ-dən fərqli olaraq, Çin süni intellektləri nəinki əməliyyat komandirinin köməkçisi kimi çıxış edə bilər, həm də müstəqil şəkildə döyüş əməliyyatlarına rəhbərlik edə bilər.
İnci
Sfera.az
